Home environment വിശന്ന് വലഞ്ഞ കുരങ്ങന് ഭക്ഷണം നല്‍കുന്ന പൊലീസുകാരന്‍; നല്ല മനസ്സിനെ അഭിനന്ദിച്ച് സോഷ്യല്‍മീഡിയ

വിശന്ന് വലഞ്ഞ കുരങ്ങന് ഭക്ഷണം നല്‍കുന്ന പൊലീസുകാരന്‍; നല്ല മനസ്സിനെ അഭിനന്ദിച്ച് സോഷ്യല്‍മീഡിയ

41
0

സഹജീവികളോട് സ്നേഹവും കരുണയും കാണിക്കുന്നവര്‍ ഈ ലോകത്ത് വളരെ ചുരുക്കമാണ്. പ്രായമായതോ രോഗബാധിതരായതോ ആയ വളര്‍ത്ത് മൃഗങ്ങളെ ഉപേക്ഷിക്കുന്നവര്‍ മൃഗങ്ങളെ അനാവശ്യമായി ഉപദ്രവിക്കുന്നവര്‍ അങ്ങനെ പലതരത്തിലുള്ള ആളുകളെ കുറിച്ചുള്ള വീഡിയോകള്‍ ദിവസവും വരാറുണ്ട്. എന്നാല്‍ യുപിയില്‍ നിന്നൊരു പൊലീസുകാരന്റെ വീഡിയോയാണ് ഇപ്പോള്‍ സോഷ്യല്‍ മീഡിയയുടെ ഹൃദയം കവര്‍ന്നിരിക്കുന്നത്.

സഹജീവി സ്നേഹം എന്നതിന്റെ ഉത്തമ മാതൃകയാണ് ഈ പൊലീസുകാരന്‍. വിശന്ന് വലഞ്ഞ കുരങ്ങന് യുപി പൊലീസിലെ ഒരു കോണ്‍സ്റ്റബിള്‍ ഭക്ഷണം നല്‍കുന്നതാണ് വീഡിയോ. ഹൃദയസ്പര്‍ശിയായ വീഡിയോയില്‍, യൂണിഫോമിട്ട കോണ്‍സ്റ്റബിള്‍ തന്റെ ജീപ്പിന്റെ അരികിലിരുന്നാണ് കുരങ്ങന് മാമ്പഴം മുറിച്ച് കൊടുക്കുന്നത്. ജോലി തിരക്കുകള്‍കിടയിലും ആ മിണ്ടാപ്രാണിക്ക് വേണ്ടി അല്‍പ്പം സമയം ചെലവാക്കാന്‍ ആ പൊലീസുകാരന്‍ കാണിച്ച മനസാണ് എല്ലാവരെയും ആകര്‍ഷിച്ചത്. ഒരു കുഞ്ഞിനെയും കുരങ്ങന്റെ തോളില്‍ കാണാം. മാമ്പളം അമ്മ കഴിച്ചിട്ട് തന്റെ പങ്ക് കിട്ടാനായി ആ കുട്ടി കുരങ്ങ് ക്ഷമയോടെ കാത്തിരിക്കുകയാണ്.

യുപി പൊലീസിലെ കോണ്‍സ്റ്റബിളായ മോഹിത് സഹിലാണ് കുരങ്ങന്മാര്‍ക്ക് മാമ്പഴം നല്‍കുന്നത്. സന്തോഷത്തോടെ പൊലീസുകാരന്റെ കൈയില്‍ നിന്ന് മാങ്ങ വാങ്ങി കഴിക്കുന്ന കുരങ്ങന്മാര്‍ എല്ലാവരെയും സന്തോഷിപ്പിക്കുന്നുണ്ട്.

യുപി പൊലീസ് ട്വിറ്ററിലൂടെ പങ്കുവെച്ച ഹൃദയസ്പര്‍ശിയായ വീഡിയോയ്ക്ക് താഴെ നിരവധി പേരാണ് കോണ്‍സ്റ്റബിളിനെ അഭിനന്ദിച്ച് കമന്റുകളിട്ടിരിക്കുന്നത്. വിശക്കുന്നവന്റെ വേദന അറിയാന്‍ കഴിയുന്നത് വളരെ വലിയ കാര്യമാണെന്നാണ് പലരും വീഡിയോയ്ക്ക് താഴെ കമന്റ് ചെയ്തിരിക്കുന്നത് സഹജീവികളോട് സ്നേഹവും ദയയും കാണിക്കേണ്ടത് വളരെ അത്യാവശ്യമാണ്.

LEAVE A REPLY

Please enter your comment!
Please enter your name here