Home BIZ NEWS പാര്‍ക്കില്‍ എത്തിയ നായക്കൂട്ടത്തിന്റെ ഇടയില്‍പ്പെട്ടുപോയ കുഞ്ഞന്‍ എലി: ഒടുവില്‍ രക്ഷപ്പെട്ടു

പാര്‍ക്കില്‍ എത്തിയ നായക്കൂട്ടത്തിന്റെ ഇടയില്‍പ്പെട്ടുപോയ കുഞ്ഞന്‍ എലി: ഒടുവില്‍ രക്ഷപ്പെട്ടു

212
0

പാര്‍ക്കില്‍ എത്തിയ നായക്കൂട്ടത്തിന്റെ ഇടയില്‍പ്പെട്ടുപോയ കുഞ്ഞന്‍ എലിയുടെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. ഉടമസ്ഥരോട് ഏറ്റവും അധികം വിശ്വസ്തത പുലര്‍ത്തുന്ന മൃഗങ്ങളാണ് നായ്ക്കള്‍. കുസൃതിയും സ്നേഹവും നിറഞ്ഞ നായക്കുട്ടികളുടെ പെരുമാറ്റങ്ങള്‍ പലപ്പോഴും എല്ലാവരെയും ആശ്ചര്യപ്പെടുത്താറുണ്ട്. പൊതുവേ മറ്റ് മൃഗങ്ങളോട് വഴക്ക് ഉണ്ടാക്കുന്ന സ്വാഭാവവും നായ്ക്കുട്ടികള്‍ക്കുണ്ട്. പക്ഷെ ചില വഴക്കുകള്‍ സ്നേഹ കൂടുതല്‍ കാരണം ഉണ്ടാകുന്നതാണ്.

നായ്ക്കളുടെ വീഡിയോ പലപ്പോഴും സോഷ്യല്‍ മീഡിയയില കാണികളുടെ ഹൃദയം കീഴടക്കാറുണ്ട്. പാര്‍ക്കില്‍ എത്തിയ നായക്കൂട്ടത്തിന്റെ ഇടയില്‍പ്പെട്ടുപോയ കുഞ്ഞന്‍ എലിയുടെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. ന്യൂയോര്‍ക്കിലെ ടോംപ്കിന്‍സ് സ്‌ക്വയര്‍ റണ്ണിലാണ് കുഞ്ഞന്‍ എലിക്ക് ഈ ഗതി വന്നത്. നായ്ക്കുട്ടികളെ നടത്താന്‍ കൊണ്ടുവരുന്ന പാര്‍ക്കാണ് ഇത്. വൈകുന്നേരം നായ്ക്കുട്ടികളുമായി നടക്കാന്‍ ഇറങ്ങിയവര്‍ക്കിടയിലേക്കാണ് ഒരു എലി അബദ്ധത്തില്‍ വന്നുപ്പെട്ടത്.

എലിയെ കണ്ടതോടെ നായ്ക്കുട്ടികള്‍ എല്ലാം പ്രകോപിതരായി. നായ്ക്കുട്ടികളുടെ കൈയില്‍ നിന്ന് എലിയെ രക്ഷിക്കാന്‍ ഉടമസ്ഥര്‍ എല്ലാവരും കുറച്ച് ബുദ്ധിമുട്ടിലാകുന്നുണ്ട്. ഇതിനിടയില്‍ ഒരു വിരുതന്‍ നായ എലിയെ കടിച്ച് എടുത്ത് താഴെയിടുന്നതും കാണാം. ഉടമസ്ഥന്‍ വഴക്ക് പറയുമ്പോള്‍ എലി കുഞ്ഞിനെ താഴെയിട്ട് അടങ്ങി നില്‍ക്കുന്ന നായ്്ക്കുട്ടി എല്ലാവരെയും ചിരിപ്പിക്കുന്നുണ്ട്.

പൊതുവെ നായ്ക്കള്‍ എലികളെ കാണുമ്പോള്‍ ക്ഷുഭിതരാകുന്നത് പതിവാണ്. എലികളെ ഓടിക്കാനും അവയെ ഇട്ട് വട്ടം കറക്കാനുമാണ് ഇവര്‍ക്ക് ഏറെ ഇഷ്ടം. എന്തായാലും നായ്ക്കുട്ടികള്‍ എലി കുഞ്ഞിനെ ഓടിക്കുന്ന വീഡിയോ സോഷ്യല്‍ മീഡിയയില്‍ എല്ലാവരെയും ചിരിപ്പിച്ച് കഴിഞ്ഞു. വളരെ കഷ്ടപ്പെട്ടാണ് പാവം എലി ഈ നായ്ക്കളുടെ കൈയില്‍ നിന്ന് രക്ഷപ്പെട്ട് പോകുന്നത്. ഉടമസ്ഥര്‍ കൃത്യ സമയത്ത് ഇടപ്പെട്ടത് കൊണ്ട് മാത്രമാണ് ആ എലി കുഞ്ഞിന് ജീവന്‍ തിരിച്ച് കിട്ടിയത്.

LEAVE A REPLY

Please enter your comment!
Please enter your name here