Home BIZ NEWS ഉടമയ്ക്കൊപ്പം ബിരുദം നേടി ടെക്സാസിലെ പൂച്ചക്കുട്ടി

ഉടമയ്ക്കൊപ്പം ബിരുദം നേടി ടെക്സാസിലെ പൂച്ചക്കുട്ടി

82
0

കൊവിഡ് വ്യാപനം കുറഞ്ഞെങ്കിലും പല രാജ്യങ്ങളിലും ഇപ്പോഴും ഓണ്‍ലൈന്‍ പഠന രീതികള്‍ തുടരുന്നുണ്ട്. പക്ഷെ യൂണിവേഴ്സിറ്റി ഓഫ് ടെക്സാസിലെ ഓണ്‍ലൈന്‍ ക്ലാസില്‍ പങ്കെടുത്ത് ബിരുദം നേടിയ ആള്‍ ഇപ്പോള്‍ സോഷ്യല്‍ മീഡിയയിലെ താരമാണ്.

ഓസ്റ്റിനിലെ യൂണിവേഴ്സിറ്റി ഓഫ് ടെക്സാസില്‍ നിന്ന് ഫ്രാന്‍സിസ ബൗര്‍ഡീയര്‍ എന്ന പെണ്‍കുട്ടിയും അവരുടെ പ്രിയപ്പെട്ട പൂച്ചയുമാണ് ബിരുദം നേടിയത്. സുക്കി എന്ന പൂച്ചക്കുട്ടിയാണ് ഓസ്റ്റിനിലെ യൂണിവേഴ്സിറ്റി ഓഫ് ടെക്സാസില്‍ നിന്ന് ബിരുദം നേടിയ പൂച്ച.

കോളേജിലെ പഠനത്തിന്റെ ഭൂരിഭാഗവും ഫ്രാന്‍സിസ, പൂച്ചയായ സുക്കിയോടൊപ്പം വീട്ടിലാണ് ചിലവഴിച്ചത്. ഇതോടെ സുക്കിയും സൂം ക്ലാസുകളില്‍ പങ്കെടുക്കാന്‍ തുടങ്ങി. അങ്ങനെയാണ് ഫ്രാന്‍സിസയോടൊപ്പം സുക്കിയും ബിരുദധാരിയായത്. ഇന്‍സ്റ്റഗ്രാമിലൂടെയാണ് ഫ്രാന്‍സിസ ഈ വ്യത്യസ്തമായ കഥ പങ്കുവെച്ചത്. അതെ, എന്റെ പൂച്ച എനിക്കൊപ്പം എല്ലാ സൂം ക്ലാസുകളിലും പങ്കെടുത്തിരുന്നു. അതുകൊണ്ട് ഞങ്ങള്‍ രണ്ട് പേരും ഓസ്റ്റിനിലെ യൂണിവേഴ്സിറ്റി ഓഫ് ടെക്സസാസില്‍ നിന്ന് ബിരുദം നേടുകയാണ് എന്ന അടിക്കുറിപ്പോടെയാണ് പെണ്‍കുട്ടി ചിത്രം ഇന്‍സ്റ്റഗ്രാമില്‍ പങ്കുവെച്ചത്. എന്തായാലും ഈ ഓമനത്തമുള്ള പൂച്ചയെ സോഷ്യല്‍ മീഡിയ ഏറ്റെടുത്ത് കഴിഞ്ഞു.

ഞാന്‍ മിക്കവാറും എന്റെ സൂം ക്ലാസുകളില്‍ പങ്കെടുത്തിരുന്നത് എന്റെ അപ്പാര്‍ട്ട്മെന്റില്‍ ഇരുന്ന് തന്നെയാണ്. എന്റെ എല്ലാ ക്ലാസുകളിലും സുക്കിയും പങ്കെടുത്തിരുന്നു. അവള്‍ക്ക് അത് വളരെ ഇഷ്ടമുള്ള കാര്യമാണെന്ന് എനിക്ക് തോന്നിയിട്ടുണ്ട്. അവള്‍ എപ്പോഴും എന്റെ ലാപ്പ്ടോപ്പിന്റെ അടുത്ത് തന്നെയുണ്ടാവുമെന്ന് ഒരു മാധ്യമത്തിന് നല്‍കിയ അഭിമുഖത്തില്‍ ഫ്രാന്‍സിസ പറഞ്ഞു. അങ്ങനെയാണ് ബിരുദധാരണ ദിവസം അവള്‍ക്കും ഒരു ബിരുദം നല്‍കാന്‍ തീരമാനിച്ചത്.

ധാരാളം ആളുകള്‍ ഇതുപോലെ വളര്‍ത്തു മൃഗങ്ങള്‍ക്കൊപ്പം ക്ലാസുകളില്‍ പങ്കെടുക്കാറുണ്ട്. നിയന്ത്രണങ്ങള്‍ കാരണം വീടുകളില്‍ തന്നെ തുടരുന്നതാണ് ഇതിന് കാരണമെന്നും അവള്‍ കൂട്ടിച്ചേര്‍ത്തു.
എന്തായാലും അഭിന്ദനപ്രവാഹമാണ് രണ്ട് പേര്‍ക്കും സോഷ്യല്‍ മീഡിയയില്‍.

കൊവിഡ് രൂക്ഷമായതോടെ ആണ് എല്ലാവരും വീടുകളില്‍ അടച്ചിരിക്കാന്‍ തുടങ്ങിയതോടെ. വീട്ടിലുള്ളവര്‍ക്കൊപ്പം കൂടുതല്‍ സമയം ചെലവഴിക്കാന്‍ ഇത് ഒരു പരിധി വരെ പലരെയും സഹായിച്ചിരുന്നു. വളര്‍ത്ത് മൃഗങ്ങള്‍ക്കും ഉടമസ്ഥര്‍ വീട്ടിലുള്ളത് ഏറെ സന്തോഷം നല്‍കിയിട്ടുണ്ട്. കൊവിഡ് കാരണം പഠനവും ജോലിയും എല്ലാം വീട്ടില്‍ തന്നെ ആക്കേണ്ടി വന്നവരും നിരവധിയാണ്. ഇതിനെല്ലാം ഇടയില്‍ നടക്കുന്ന പല രസകരമായ കാഴ്ചകളും സോഷ്യല്‍ മീഡിയയില്‍ പലപ്പോഴും വൈറലാകാറുണ്ട്.

LEAVE A REPLY

Please enter your comment!
Please enter your name here